दशैं तिहारमा विभिन्न विद्यालयमा अध्ययनरत किशोर किशोरीहरूलाई कर्मफ्लाइट्स फाउन्डेसनको आयोजनामा जेसा प्रोजेक्ट अफिसर कर्मसही घर्ती मगरद्वारा ‘लैङ्गिक समानता र सामाजिक अभियान’ सम्बन्धि १ महिने तालिम सम्पन्न भएको छ ।
उक्त तालिम दशैं तिहार छुट्टी मनाउन घर आएका किशोरकिशोरीलाई मैकोटमा दिइएको थियोे । निकै प्रतिकुल समयमा तालिम सम्पन्न भएको कुरा प्रशिक्षक कर्मसही घर्तीले बताए । उनले भने- ‘दशैं तिहार मनाउने मानसिकतामा रहेका किशोरकिशोरीलाई समय मिलाउन निकै सकस रहेको थियोे । एक त उनीहरू पढाइको थकान मेटाउन चाहिरहेका थिए । दोस्रो उनीहरू घरायसी काममा बेफुर्सदी रहेका थिए ।
यही बीचमा पनि कमसेकम उनीहरूले हप्ताको डेढ घण्टा समय निकाल्नु नै ठूलो कुरा थियो । यही समयमा उनीहरूले मानवअधिकार सम्बन्धि, लिङ्ग र लैङ्गिकता, यौनिकता र हिंसा सम्बन्धि प्रशिक्षण लिएका थिए ।’
सहभागी प्रशिक्षार्थी मध्ये समिक्षा पुनले एक महिने छुट्टी अवधिमा आफुले नौलो तथा पाठ्यक्रमसँग मेल खाने विषयवस्तुमा तालिम लिन पाएकोमा खुसी व्यक्त गरिन् ।
उक्त कार्यक्रम सबैलाई पायक पर्ने घर र घरको छतमा सम्पन्न भएको थियोे । सबै प्रशिक्षार्थीले छुट्टीको समयमा भएका गृहकार्य र घरको कामले थकान लागेको बेला जेसाको कार्यक्रमले मानसिक तनाव कम भएको बताउन भ्याए ।
कार्यक्रम प्रशिक्षक कर्मसही घर्ती मगरले यस्तो कार्यक्रम आफुले पहिलो पटक एकल रूपमा सञ्चालन गरेको बताएका थिए ।
